Maxfiylik siyosati
Muhajeer Books — Janubiy Koreyadagi o‘zbek kitobxonlari uchun kitob do‘koni. Ushbu sahifa ilova va saytdan foydalanganingizda qanday ma’lumotlar yig‘ilishi, nima uchun ishlatilishi va ularni qanday o‘chirish mumkinligini tushuntiradi.
Qanday ma’lumotlarni yig‘amiz
- Ism va telefon raqami — profil ochishda kiritasiz. SMS yoki parol so‘ralmaydi.
- Yetkazib berish manzili — buyurtma berishda kiritasiz (manzil, xona raqami).
- Buyurtma ma’lumotlari — tanlangan kitoblar, soni, narxi, yetkazib berish usuli va buyurtma holati.
- To‘lov cheki rasmi — bank o‘tkazmasini tasdiqlash uchun o‘zingiz yuklaysiz. Karta ma’lumotlarini yig‘maymiz; to‘lov bank ilovangiz orqali amalga oshiriladi.
- Qurilma identifikatori — ilova o‘rnatilganda yaratiladigan tasodifiy ID va platforma (Android/iOS/Web). Undan faol foydalanuvchilar sonini hisoblash, “kitob kelganda xabar berish” va oldindan buyurtma uchun foydalanamiz.
- So‘rovlar — do‘konda topilmagan qidiruv so‘zlari va siz so‘ragan kitob nomlari, qaysi kitoblarni keltirishni bilish uchun.
- Bildirishnoma obunasi — bildirishnomaga ruxsat bersangiz, xabar yuborish uchun kerakli texnik manzil.
Sevimlilar va savatcha faqat qurilmangizda saqlanadi.
Ma’lumotlardan qanday foydalanamiz
- Buyurtmani qabul qilish, to‘lovni tekshirish va kitobni yetkazib berish.
- Buyurtma holati haqida xabar berish va buyurtma tarixini ko‘rsatish.
- Siz so‘ragan kitob omborga kelganda xabar berish.
- Do‘konni yaxshilash uchun umumiy statistika.
Ma’lumotlaringizni sotmaymiz, reklama uchun ishlatmaymiz va uchinchi shaxslarga bermaymiz. Faqat kitobni jo‘natish uchun zarur bo‘lgan ism, telefon va manzil pochta (택배) xizmatiga beriladi.
Savollar va murojaatlar
Agar Muhajeer Books ilovasi bo‘yicha savolingiz yoki so‘rovingiz bo‘lsa, administratorga Instagram orqali murojaat qilishingiz mumkin:
Profilingiz yoki shaxsiy ma’lumotlaringizni o‘chirishni so‘rash uchun ham ushbu Instagram manziliga ro‘yxatdan o‘tgan telefon raqamingiz bilan yozishingiz mumkin. So‘rov 30 kun ichida ko‘rib chiqiladi; buxgalteriya uchun zarur bo‘lgan shaxssizlashtirilgan buyurtma yozuvlari saqlanishi mumkin.
Bolalar
Ilova 13 yoshdan kichik bolalarga mo‘ljallanmagan va ulardan ataylab ma’lumot yig‘maydi.
O‘zgarishlar
Siyosat o‘zgarsa, shu sahifa yangilanadi va sanasi o‘zgartiriladi.